Languages

Sentòm COVID-19 yo

PWEN ENPÒTAN YO

  • Moun ki gen COVID-19 gen yon pakèt kalite sentòm, sòti nan sentòm lejè pou rive nan maladi grav.
  • Sentòm yo ka parèt 2 a 14 jou apre ou te ekspoze nan viris la.
  • Sentòm yo ka kòmanse sou fòm lejè, epi kèk moun ap pwogrese nan sentòm ki pi grav.
Founisè swen sante k ap pran tanperati yon pasyan.

Siy ak Sentòm yo

Lis sa a pap gen tout sentòm ki posib yo. Sentòm yo ka chanje avèk nouvo varyant COVID-19 yo. Epi tou sentòm yo ka varye selon si moun nan te pran vaksen an. Sentòm posib yo enkli:

  • Lafyèv oswa frison
  • Tous
  • Souf kout oswa difikilte pou respire
  • Malgòj
  • Nen bouche oswa nen k ap koule
  • Vin pa ka pran gou oswa pran sant
  • Fatig
  • Doulè nan misk oswa doulè nan kò
  • Maltèt
  • Noze oswa vomisman
  • Dyare

CDC ap kontinye mete lis sa a ajou pandan n ap aprann plis sou COVID-19.

Kòmande 4 Tès Lakay Gratis Ou yo pou COVID-19‎

Chak fwaye Ozetazini kalifye pou kòmande 4 tès gratis pou fè lakay yo. Kòmand tès COVID lan konplètman gratis – ou p ap menm peye pou ekspedisyon. Ou vle konnen kilè tès ou yo ap vini? Enskri pou resevwa alèt nan imèl lè w fè yon kòmand!
Aprann plis epi kòmande tès ou yo

Ou Santi w Malad?

Rete lakay ou epi rete lwen lòt moun (mem moun ki nan kay avew ki pa malad) si w gen sentòm ki pa twò kle epi ou pa kon kkòz lan.

Chèche swen sante rapidman pou fè tès ak/oswa tretman si w gen faktè risk pou maladi grav;tretman an ka ede diminye risk pou maladi grav.

Kilè pou chèche swen dijans

Chèche siy avètisman dijans yo* pou COVID 19:

  • Pwoblèm pou respire
  • Doulè oswa presyon pèsistan nan pwatrin
  • Nouvo konfizyon
  • Pa kapab reveye oswa rete jeklè
  • Selon ton koulè po a, po bouch, anba zong ak po a ka parèt pal, gri, oswa ble.

Si ou prezante nenpòt nan siy sa yo, rele 911 oswa rele etablisman dijans lokal ou alavans. Avèti operatè a ke w ap chèche swen pou yon moun ki gen oswa ki petèt gen COVID-19.

*Lis sa a pa gen tout sentòm ki posib yo. Tanpri rele doktè l ou pou nenpòt lòt sentòm ki grav oswa ki enkyete ou.

Diferans ant grip ak COVID-19

Influenza (Grip) ak COVID-19, yo toude se maladi respiratwa kontajye, men yo rive akòz viris diferan. COVID-19 rive akòz enfeksyon avèk yon nouvo kowonaviris ki rele SARS-CoV-2 epi grip la rive akòz enfeksyon avèk viris influenza yo. Ou pa kapab fè diferans ant grip ak COVID-19 avèk sentòm sèlman yo paske kèk nan sentòm yo menm.

Kèk tès anplifikasyon asid nikleyik (NAAT), sa gen ladan tès PCR yo, ka fè diferans ant grip ak COVID-19 anmenmtan. Si youn nan tès sa yo pa disponib, anpil anplasman tès ofri tès apa pou grip ak pou COVID-19.

Kontinye Fè lekti: Resanblans ak Diferans ant Grip ak COVID-19

Resous yo

Videyo yo

Sentòm Maladi Kowonaviris 2019 (youtube.com)

Print
Content Source:
National Center for Immunization and Respiratory Diseases; Coronavirus and Other Respiratory Viruses Division